Wasted Vote Syndrome - నా ఓటు వృధా చేసుకోవాలా???

Why Every Vote Matters

ప్రజాస్వామ్యములో ఒక్క వోట్ తేడాతో ఓడిపోయిన సందర్భాలు ఎన్నోవున్నవి. అలాగే గెలిచే పార్టీకే వోట్ వేద్దాం అని అవినీతి పార్టీలను ఎన్నుకొనేవారు కొందమంది అయితే, డబ్బుకో మందుకో ప్రలోభపడి ఓటును అమ్ముకొనేవాళ్ళు ఇంకొందరు.
క్రొత్త పార్టీ అయినా జనసేనకు వోట్ వెయ్యడానికి "జనసేన గెలవదేమో, నా ఓటు వృధా చేసుకోవాలా???" అని మీమాంసలో ఉండేవారికి కనువిప్పుగా జనసైనికులు @TylerDurden_100 @estrelladepoder సంయుక్తముగా 

ఒక వ్యాసం రాసి YouTube Video ను తయారు చేశారు -

Wasted Vote Syndrome - నా ఓటు వృధా చేసుకోవాలా???

ఈ థియరీ ని అర్ధం చేసుకొనేందుకు ఒక చిన్న కథ చెబుతాను....

వందమంది జనాభా కలిగిన ఒక ఊరు, ఆ ఊరి పక్కనే ఒక పెద్ద చెరువు. ఆ చెరువు కట్టకి గండి పడి నీళ్ళు ఊరి లోపలికి వచ్చేస్తున్నాయి. ఆ గండిని పూడ్చడానికి 30 నుండి 40 మంది కలిసి పనిచేయవలసివుంది. మిగిలినవాళ్లు తమతో కలుస్తారనే ఆశతో పదిమంది గండిని పూడ్చే పని మొదలు పెట్టారు. నేనొక్కడ్ని వెళితేమాత్రం మిగిలిన వాళ్ళు వస్తారా అని ఎనభై ఆగిపోయారు. ఇక మిగిలిన పదిమంది ఊరు మునిగిపోతుంది, ఆ వరదల్లో మనమూ కొట్టుకుపోతాం, పాములు, మొసళ్ల చేతిలో చావడం కంటే ఆత్మహత్య మంచి మార్గమని, తమ దెగ్గర ఉరితాళ్ళు నిద్రమాత్రలు కొనుకోమ్మని ప్రచారం మొదలు పెట్టారు. ఆ పదిమందిలొ దాదాపు అందరికీ ఉరితాళ్ళు నిద్ర మాత్రలమ్మే దుకాణాలు వున్నాయి . వాళ్ళు ధనవంతులైన వ్యాపారస్తులు కూడా, వరద వస్తే ఎలా తప్పంచుకోవాలో, వారి కుటుంబాలని ఎలా కాపాడుకోవాలో బాగా ఎరుక వారికి.. ఇప్పుడు ఎన్బై మంది ఊరి చెరువుకి పడిన గండి గురించి కాని, ఆ గండిని పూడ్చడం గురించి కాని ఆలోచించకుండా, ఉరి తాడా, లేక నిద్ర మాత్రలా?? అని ఆలోచన్లో పడ్డారు.

పై కధలో ఊరికి వచ్చిన సమస్యే మన రాష్ట్రానికి వచ్చింది. డబ్బులు పెట్టి ఓట్లు కొనుక్కొని రాజకీయాలను వ్యాపారంగా మార్చేసిన వాళ్ళే కాక నిజాయితీగా ఉంటూ తనను పెంచిన సమాజాన్ని అభివృద్ధి చేసుకుందామని ముందుకు వచ్చిన నాయకులు కూడా వున్నారు. కాని నేనొక్కడ్నే ఓటేస్తే మాత్రం అటువంటి వాళ్ళు? అనవసరముగా నా ఓటు వృధా చేసుకోవాలా ? అని చాలామంది అవినీతిపరుల్లో ఒకరిని ఎన్నుకుంటున్నారు.

ఉరి తాడుకు బదులు నిద్రమాత్రలను ఎన్నుకోవడమేనా ఓటు వృధా చేసుకోకుండా ఉండడమంటే??

ఇదేనా తెలివిగా ఆలోచించడమంటె??

గుంపుగా తప్పించి ఒక్కడిగా ఏ పనీ చేయలేకపోతే మానసికముగా మనకు గొఱ్ఱెలకు ఏమి తేడా ఉన్నట్లు?

నా శ్రమంతా వృధా అయిపోతుంది అని అనిపించినా సరే నేను ఊరు మునిగిపొకుండా ఆపడానికే ప్రయత్నిస్తూ వుంటాను అని ఆ వెైపుగా ప్రయత్నం చేయడం వల్ల మాత్రమే ఎప్పటికైనా మార్పు సాధ్యం.

ఇప్పుడు ఇదే కథని, ఆంద్ర ప్రదేశ్ రాష్ట్ర రాజకీయానికి, జన్స్తన్ పార్టీకి అన్వయించి చెబుతాను...

మా ప్రాంతములో మీ పార్టీ బలంగా లేదు, మీ అభ్యర్థి అంత బలంగా లేడు, మా ఏరియాలో మీ పార్టీకి పట్టు లేదు, మీరు ఎంత కష్టపడ్డా గెలవలేరు, ఓడిపోయే పార్టీకి ఓటు వేసి ఎందుకు నా వోటుని వృధా చేసుకోవాలి?? గెలిచే పార్టీకే వేస్తే ఒక అర్ధం ఉంటుంది కదా? నేనొక్కడనే కదా ఇలా చేసేది, ఎం నష్టం వస్తుంది? క్షేత్ర స్థాయిలో ప్రచారానికి వెళ్ళినప్పుడు ఇటువంటి సంభాషణలు జరుగుతూ ఉంటాయి.

ఇలా ఎవరినీ అనుకోనివ్వకండి, ఆలోచించనివ్వకండి.